ثقافات              ضمير الحب ضرغام العراقي 2010-12-13 قراءات: 2038 استطيع ان اكتب لك كل يوم قصيدة ... لكن لا استطيع ان اكتب لك كل القصائد في يوم ... لأنني كل يوم اجدك اجمل !!!     التوقيع        ضــــمير الحب    يا كل شي بحياتي             يا حلم دنياي             يا دمعة فرحتي بضحكة احزاني يالحبك خرج         عن طابع المألوف         من گد ما يحبك غار مني اني!.. وعن هاي البشر             واضح فوارق بيك            عنهم تختلف من قاس ميزاني وانواع شكثر          من العشگ تعنيك          حب من نظرة الاولى ومن طرف ثاني ولو ناسي بعد             ذكرني اترجاك             حتىّ يعتذرلك حتى وجداني وما گلك عشگتك           لا ولا أهواك           ذايب بيك دور راح تلگاني وما اگلك حلو           ياعاطفي وشفاف           بس صدّگ حبيبي والله تسواني وشاعر من صرت              وانته سبب في هاى              صايرلي بحر كل فكره بوزاني يا اسمي الثلاثي            واللقب وياه            يعني انته هويتي للّيقراني وما اجامل لأن             يشهد عليه الله             بس راي الگلب تلگاه على الساني ما شايف شمس           تطلع عليه ابليل          ولا شايف گمر من غبشه صحاني! يعني انته :       الوصف والوصفه                 والموصوف                 ما يحتاج وانته القاصي والداني وتباً للعشگ       تاريخه لو ينساك       يا بلقيس بس بعين قباني  واتمنه العمر          ما يعبر العشرين ؟!          ولا باچر يجي وتگول ينساني بس خاين أسف؟             تالي طلعت وياك             طيفك من يمر سهران يلگاني ياحب اعتقد :        تملك ضمير انسان        وثق لو ما ضميرك باقي ومعاني             ضرغام العراقي التعليقات الاسم: ضرغام العراقي التاريخ: 2012-06-21 06:14:35 الجرجيس بارك الاحساس بك اخي المتجدد بالحب والنقاء والعذوبة... مودتي الاسم: ضرغام العراقي التاريخ: 2012-06-21 06:13:09 ناصر الجميل صدق مشاعرك اجمل وانقى ياغالي... حبي واعتزازي الاسم: ضرغام العراقي التاريخ: 2012-06-21 06:12:32 زينب بابان دمت بهذا الذوق والاحساس المميز... حروفك كروحك الاسم: ضرغام العراقي التاريخ: 2011-01-02 09:31:59 هنالك أشياء جميلة في حياتنا فمن المؤكد معرفتي بكم هي واحدة من هذه الأشياء * كل يوم وكل عام وانتم بألف ألف خير وتمنياتي بالصحة واللأمان والحب والسلام والتألق مع حبي واعتزازي بكل صدق واحترام ضرغام الاسم: ضرغام العراقي التاريخ: 2010-12-20 07:34:07 شكراً على صدق المشاعر ... انتم الابداع اتمنى ان ارتقي الى مستوى ذائقتكم ... انا منكم واليكم مع حبي واعتزازي العراقي الاسم: أحمد الجرجيس التاريخ: 2010-12-14 12:32:17 رائع وجميل وانت تصور لنا معنى الاندماج بين الحرف والصورة احساس عالي وكلمات ذات معنى كبير تقبل بسيط مروري على ابداعك أخي ضرغام الاسم: ناصر الكرعاوي التاريخ: 2010-12-14 09:18:51 يا كلشي بحياتي فدوة اروح لحبر قلمك على هذه المشاعر الجياشة دمت سالما تحياتي الاسم: زينب بابان - الموجوعة بحب العراق التاريخ: 2010-12-13 21:17:17 الشاعر المتالق ضرغام العراقي ============================ دمت مبدعا ومتالقا امنياتي اليك بالازدهار واسعد الاوقات نص رائع وجميل بروعتك امتناني الاسم * البريد الالكتروني تعليق * 5000