..... 
....
مواضيع تستحق وقفة 
.
.
.
رفيف الفارس
.......
 
...…
ـــــــــــــــ
.
.
 svenska
.
مؤسسة آمنة لرعاية الايتام

.

.

..............
 
.
 ................... 


 

....................
جمعية الصداقة العراقية السويدية 
...................

  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


فضايح اليو توب ما منها هروب !*

أحمد الياسري

من نعم الباري عز وجل على الانسان ان خلق اله عقل وميزة على الحيوانات ولو الكثيرمن البشر تستنكف الحيوانات ان تتقارن بيهم بس هاي بعد(ولله في خلقه لشئون ... ولخلق الله في انفسهم شئون ايضا .. ومن نعم عقل بعض الناس على البشرية هو الثورة الاستكشافية الي قدموها ذولة النخبة الى البشر بشكل عام دون تمييز على سبيل المثال اديسون من اخترع الكهرباء ما سواها لمرته لو لزعاطيطة اخترعها للفائدة الانسانية بشكل عام ولازال اكتشافه اخطر اكتشاف بتأريخ البشرية ..الانترنت الشبكة المعلوماتية الاتصالية الخطيرة الي حولت العالم الى غرفة هم تعتبر من الاكتشافات الي من خلالها العالم ديتنفس ويتواصل على مختلف الاصعدة السياسية والاقتصادية والعلمية وغيرها وموضوعنا اليوم عن اليو توب الي هو برنامج يعرض مختلف الاخبار بالصوت والصورة المتحركة واغلب شعوب الدول المتحضرة المكتوب عنها باليوتوب ما منه هروب !! بس المكتوب عن ربعنا باليوتوب منه هروب لأن كله فضائح وطراكيع ومصايب ..اتريدلك سالفة بيها حظ  ماكو ( كله فلان قشمر فلانة وصورها بالموبايل وخلاه باليوتوب ..لو فلان فنانه اتصلخت وركصت لو فلان فنان سكر وكام يعربد ومن هالسوالف ) وروابط الفضائح تتصدر الروابط الثانية بعدد الداخلين الها .بحيث كًام بعض الفنانيين حتى يسوق اغنيته بمكان ميكتب فوكًاها اغنية يكتب فضيحة حتى يضمن دخول اكبر عدد ممكن ورغم السلبية باستخدام اليوتوب ووجود انصاف المبدعين الي ميعرفون اشلون يسوقون نتاجاتهم بشكل يجذب نظر المتلقي انتج النا اليوتوب بعض الوثائق المهمة على ناس ساقطين عبروا عن هيئتهم الحقيقية بلحظات ما متوقعيها صارت وثائق عليهم فيما بعد ما يكًدرون يهربون منها رغم ان اغلبهم ما اثر عليهم الموضوع بقدر ما سوالهم شهرة واذكر على سبيل المثال لا الحصر  ..فضيحة مذيع الرياضة بقناة العراقية (حسين بديع ) والي مئات الالاف شافوه وهو يركص ويهز بمؤخرته بطريقة اتحسسك انه من اولاد ابو خالد حيث استغل فاصل تلفزيوني وظل يركص مثل الكاوليه ويفشر فشاير ما يكًولها ابن كهف مو ابن شارع والكارثة ان اغلب الفشاير الي فشرها هية على مصور ومخرج البرنامج والمذيع الوائلي كاعد بصفة وخربان من الضحك وهذا المشهد شافوه مئات الالاف اذا مو الملايين من الناس باليوتوب واتصورنا بعد هذا المشهد المخزي الي يصور الاعلامي العراقي بشكل خنثى وساقط اخلاقيا وابن شوارع اتصورنا ان القناة تطرد المذيع حسين بديع ولكن ثلثين كوادر العراقية انطردوا بس حسين بديع كل يوم يطل علينا بابتسامته العريضة وهو يقدملنه وجبه شهية من الاخبـــال ..عود الاخبار لأن المذيع البديع يرتل ما يلفظ الراء وهاي خاصية ثانية من خاصيات ابداعه اول مذيع (بالشـلق الاوسط) ما يلفظ الراء !! ومشهد ثاني من مشاهد اليوتوب الشاعر العملاق الي ما جابته ولادة جابته فراشة ! (عباس جيجان) كعدت سكر وبيك الويسكي بيدة مع مجموعة طناطلة بدبي وهوه يقرة من روائع شعرة لأن تدرون اخواني عباس جيجان شاعر فلت من كًونية العصر الجاهلي وطاح ابلاليع التأريخ الادبي المعاصر ..المهم رائعة عباس جيجان الي قراها بالكعدة جان بيت ابوذية بعنوان كاكا يكول بيه ( اذا دولة عرب يحكمها كاكا ..من طيــ... المالكي تنحل قضية ) واهنا يفشر بشكل مباشر على رئيس وزراء بلدة ويتمهزل على رئيس بلدة لأن كردي والكردي كاكا شلون يحكم دولة عرب ؟ والكارثة نفس اليوتوب طلعلنة قصيدة بعد فترة يمدح بيها ابو اسراء الي فشر عليه قبل جم يوم والحقيقة الثقافة العراقية مسكينة لأن ابتلت بهيج قاذورات زايعتها الكاع  هسه هم ميخالف عبوسي شاعر ابوعداي المجاهد واخلاق شعراء ابو عداي ما تختلف هواي عن عبوسي بس تعال شوف اليوتوب شطلعنا هذاك اليوم اخ وزير التجارة صباح السوداني الي ينتمي لحزب الدعوة تنظيم العراق الحزب الاسلامي الي لا بعثي ولا اله علاقة بالبعث وكظه عمره شارد بالبلدان ومدير عام الوزارة البعثي السابق محمد حنون بكعدة شرب وعربدة وركص كاوليات وبنات ليل ما صايرة بزمن هارون الرشيد ! والمشهد كالاتي بنت بالعشرين من عمرها ترتدي بنطلون جينز وترقص على انغام اغنية جزائرية شخص يصورها ويقول لها (يروحلج فدوة المالكي ) من اليمين يظهر محمد حنون مديرعام الوزارة الى جانبه صباح السوداني اخ الوزير ومدير مكتبه يشربون النركيلات وابطالة الويسكي تتراكًع كدامهم وبين صباح وصاحبه تجلس (حاتة مظبوطة ) ، الشخص الي يصور بالموبايل يقرب الصورة على وشم فوق مؤخرة البنت الي ترقص ويكوللها بلهجة جنوبية ( هاي ياهي الداكتلج ام جاسب) ،يقوم شخص يعتقد انه مدير مكتب وزير الداخلية يرقص مع بنت اخرى يكمل رقصته تجلس البنت بحظن صباح ثم تستقر بحظن محمد حنون وهي تقوم بحركات جنسية فاضحة انتهى المشهد ) . هسه يجوز واحد يكول شكو بيها شباب وديتونسون وهاي كعدة خاصة ؟ اكًولة اولا الشباب ذولة مو من سوكً مريدي حتى نكًول براحتهم همه قادة ورؤساء اهم وزارة عراقية الي هي وزارة التجارة فتخيلوا شلون راح يكون شكل االمسئول العراقي من يدخل دولة والمسئولين ربعة فضايحهم تارسة النت ؟؟ ،ثانيا ذولة الناس متهمين بأكبر قضية فساد بالبلد انطرحت بالبرلمان العراقي وكعد وزير التجارة لا ياخذ ولا ينطي ومكًدر يفند ولا دليل عنه وعن زمرته والمشهد هوة مشهد من مشاهد الدعارة والفساد الجماعي فشلون يكدر السوداني يبرأ اخوه وربعة وهمه مشاهد فسادهم صارت عالمية؟؟ثالثا هذا المشهد يستفز مشاعر الشعب العراقي ويحسسه بحالة من الغبن والاحباط من التغيير الديمقراطي لأن هاي المشاهد اعتادوا العراقيين يشوفون عدي وقصي بيها وحتى عدي وقصي ماطلعت افلامهم الفاضحة الا لمن سقط النظام معنى هذا ان الوضع السياسي بالعراق لم يتغير بي سوى اسماء ؟ رابعا والاهم ذولة الساقطين ما استحوا من عوائل شهداء حلبجة والمقابر الجماعية المساكين وهمه مكعدين الكاوليات باحظانهم ويتشاربون بيكات الويسكي بفلوس هاي العوائل ؟؟ خامسا منين اجتهم هاي الثقة بالتصوير وكلمن فاتح موبايله يصور حفلات الدعارة غير مطمئنين انه لا حسيب ولا رقيب وهذا الموضوع صار ظاهرة ومليون مسئول غيرهم مسويه؟؟ لأن لو الموضوع حالة شاذة ما استهتروا ذولة الى هذا الحد ؟؟ وعلى الاقل قفلوا موبايلاتهم خاف واحد يصور الكعدة بس علني (صباح السوداني ) يأشر لصاحبة الي ديصورة ويكوله راح ادزة لبو شهد والحقيقة منو ابو شهد ما اعرف بس الظاهر واحد من المرتبطين بوزارة الدعارة مال السوداني مو وزارة التجارة   مسوين لحاية وعلى اساس متدينين وهمه ياكلون الخنزير من بلعومة ..على اية حال ابو اسراء ما سكت اعلن اقالة عبد فساد السوداني والزمرة مالته ولو الاستقالة اجت متأخرة بس ميخالف احسن مايظل الفاسدين ينخرون بجسم دولتنا اخواني اسمعوني رجاءا رجاءا رجاء ..تدرون اخر تقرير عالمي حول الوضع المالي العراقي يقدر ان البلد استنزفت امواله بمقدار ميت مليار بسبب الفساد الاداري بست سنوات اخواني تدرون هذا الرقم يعني شنو ؟؟ هاي كارثة اقتصادية جاي يمر بها البلد تعادل تأثيرات الارهاب مئات المرات  خل الارهابي لو يفجر مليار سيارة ميخسر العراق هذا المبلغ وهذا بلدنا يا جماعة شنو شعيط شنو معيط؟ حملة اجتثاث الفساد لازم تستمر ويجب مساعدة الدولة والبرلمان العراقي بهذا الموضوع وتنكشف اوراق السفلة والمفسدين مثل ما انكشفت اوراق المجاهد عبد فساد السوداني ابو لحية المتدين الي يروح لمكة كل سنة ويبوك بفلوس العراقيين ويطيها لاخوه يسوي بيهن حفلات دعارة ..واذا نكر عبد فلاح واخوه وكال اني جاهدت وي الاطلاعات الايرانية واحنا مجاهدين  انكوله _فضايح اليوتوب ما منها هروب_ يخويه وفضيحة اخوك وثيقة عليك وعلى كل من تسوله نفسه بأن العراق ما بيه ناس شريفة تكشف الفاسد وتقدمه الى محاكمات عادلة حتى ياخذ جزاءة .

*هذا النمط من الكتابات خاص بالكتب يكتب بلهجة شعبية لجريدة العراقية الصادرة بسدني بعمود (طك بطك ) .

 

أحمد الياسري


التعليقات

الاسم: احمد الياسري
التاريخ: 27/05/2009 23:22:53
الاستاذ صباح محسن جاسم تحية لحضرتك ايها الرائع شكرا لسيادتك على التعليق وبالظبط مليشيا الفساد في العراق ستدمر البلد والكارثة ان اغلب الوزراء المفسدين هم من قوائم شيعية وسنية وهذا ما يحبط وقد يجعل الناس تحجم عن المشاركة في الانتخابات اما عن وفاة اخي فليس انا يا استاذ صباح هو اخ للسيد احمد مهدي الياسري وليس انا فقط تشابه اسماء تحيتي لحضرتك
احمد رزاق الياسري

الاسم: صباح محسن كاظم
التاريخ: 27/05/2009 10:28:32
القلم الوطني سيدنا الياسري رحم الله والديك وشقيقك الشهيد؛ والله مأساة الهذا استشهد الصدرين والحكيم ليأتي الموقعون بالدم ليحتلوا الوزارات بالجنس والرشاوي والمشكلة هناك من يدافع عنهم من حثالى الصحفيين..

الاسم: احمد الياسري
التاريخ: 27/05/2009 09:42:10
الاستاذ جوامير مندلاوي
الف تحية لحضرتك ايها الكاتب العراقي الجميل شكرا لأطرائك واتشرف ان يقرأ كتاباتي اناس بحجم الكاتب العراقي الواعي استاذ جوامير مندلاوي شكرا لك استاذي الغالي
احمد الياسري

الاسم: جوامير مندلاوي
التاريخ: 27/05/2009 07:40:31
مقالة قيمة كتبت باسلوب جميل,ما يجعني اقرأ للياسري هو حبه وغيرته على العراق.

الاسم: جوامير مندلاوي
التاريخ: 27/05/2009 07:11:13
مقالة قيمة كُتبت باسلوب جميل, ما يجعلني اقرأ كل كتابات الياسري هو حبه وغيرته على العراق




5000