ثقافات              يارِيتْ يِجَاوِبْنى حَدّ..! أحمد الغرباوى 2020-06-10 قراءات: 124 ( 1 ) بِجَدّ.. يارِيت يِجاوبني حَدّ..؟ ليه  لما فِ الله تحِبّ تِتِوِجع..؟ لا كان حلم ولا كان ترنيمة وَدَع ليه الحُبّ للقلب كَفَن..! ليه علشان تِحبّ لازم لازم تِموت ياجَدَعْ..؟ ،،،،، ( 2 ) بِجَدّ.. ياريت يِجَاوبني حَدّ..؟  ليه لا حُزن بِيِنْزِلْ وَيّا الدّموع ولا بُكا بيريّح قلب مَوْجوع بروحه حُبّ وِقِع..! وفِ الله صلبوه ولسلخه؛ جلّاد بيجوع متخفّى بتوب يَسوع..! ،،،،، ( 3 ) بِجَدّ.. ياريت يِجاوبنى حَدّ..؟ فِ الضّلمة ليه الدّمعة حِنَيّنة..؟ يِجْرِي العَطَش يِشْربها تِشبّعه؛ لَبَن وخمرة وعلى رِضابك يِنْزِل سِمّها ق .. ط.. ر.. ة قطرة بتجُرّ قطرة..! ،،،، ( 4 ) بِجَدّ.. ياريت يِجاوبنى حَدّ..؟ ليه لمّا فِ الله نِحِبّ نلاقي قلب خايْف عايْز بَسّ يِتحَبّْ ولمّا نقوله: ـ ياربّ يِنْزِل المَطر حُزْن تجرى الروحُ  تغطيه ما تلاقيه وبحُضن تانى ملفوف بيه ويقولّك: ـ حبيبى والله دَه غَصبْ..! ،،،،، ( 5 ) بِجَدّ.. ياريت يِجاوبنى حَدّ..؟  لمّا قلب الباب يواربه يبقى مِستنّى  نبض بيْنادى حُبّه يعتكف النّنّى مِنْتظره لا قادر يقفله ولا متحمّل عذابات رَعْشُه..؟ ولمّا حُبّ كبير إنْت مِشْ عايْزه إقفله فِ وشّه..! ليه.. عَسل الحُبّ تلذّه وللمُحبّ تسيب قرصه وتمضغ خلايْا حلمه وتحت أقدام المّاره وَحْده بتضحك على عِيشته وهوّه لسّه غرقان فِ بصقه..! ،،،،، ( 6 )     بِجَدّ.. ياريت يِجَاوبنى حَدّ..؟  ليه العمر شايْلني سَوَاد تُوت لا عارف ليه أيّامي واخدانى طقوس موت..؟ ولا.. لإمتى لإمتى ياحبيبى  بَعِيشك زفّة عُرس زفّة بـ (كوشة) تابوت..! حُزْن بيموت حُزْن بيتولد.. حُزْن بيلفّك  زَىّ خيوط العنكبوت..! هوَّا مين عشّش جوّا البِيْوت الحَيْا واللا الموت..؟ توت.. توت! ،،،،، ( 7 )     بِجَدّ.. ياريت يِجَاوبنى حَدّ..؟  حُزنٌ جوّايا بِيمْتدّ عاوز أوْقِفه..؟ سؤال وبيحفرُه  حَفر ياريت يِجَاوِبْنى حَدّ: ـ هوّه ليه ليه لازم تموت لمّا حقيقى فى الله تُحِبّ..؟ ـ وعَلشان تعيش لازِمْ ماتحِبّش حَدّ..؟ وإنْ حَبّيت وغَصْب عَنْ؛ أُجْبِرت مايْكُونش قوى بِجَدّ..! ـ ولو حَبّيت واتعلّقت فِ العِشْق وإن كان شَرْع؛ لا  لا تتخطّى الحَدّ..! واللا مِيِن.. مِيِن اللى لازم يموت   سَمَكة فِ مَايّة ومايّة قُدّامها سَدّ..! ،،،، أيُّها الحُزن: ـ مَتى يكون لك حَدّ..! لاتقل: ـ عندما يموتُ المَوْت..! فما الجَدْوَى  وفِ الحَيْاة أنْت قد انتهيْت..! ياترى هِوّه الحُبّ حقيقى رِزْق حَيْاة واللا إعلان مَوْت..؟ وليه اللى بيحِبّ لازم لازم يموت بجَدّ..؟ ،،،، بجَدّ.. ياريت يِجَاوبْنى حَدّ..؟ .....            أحمد الغرباوى التعليقات الاسم * البريد الالكتروني تعليق * 5000