ثقافات              بغداد امير المالكي 2008-10-31 قراءات: 2358 بغداد 2006/ شفت كلشي وبيه كلشي شفت واحديمشي دربة  شويه يمشي هواي يمشي اهناك وتفجر طريقه وشفت كلشي وبيه كلشي شفت جف ايأشرلنه هناك ميت  طلع موأنسان ميت  ثاري مكتوله الحقيقه انصلبت ابخشبات عيسى وطاحت اعله الكاع سكته ابساعة جانت وحشه كلش  والشوارع كله ميته شفت ناس امشوهيهه  علكوها ابغصن شجره صوره بعيون البلابل وأكوواحد بذنة صوة ايكله موت كاعد ابحلكه جكارة صرخ صرخه شكك آذان السكوت  مات تغريد البلابل  مرعله عيون الحدايق صوته طيف صار كل بستان وحشه ورسمو ابوجه السواجي الورده سيف صاركل بستان وحشه شفت متعلكه اعله بابه صوره مليانه جماجم شفت بيها الناس تمشي ابلايه راس وشفت بيها الراس يمشي ابلايه ناس آنه احذرك لاتجيهه النجمه نزعوها ضواها ونزلت اعله الكاع ظلمه وخاليه من النوراديهه صاحت ابنص الشوارع جدت ابنص الشوارع (وينكم يهل الرحم يامحسنين ) مرني عوز اوشفته عوز بعيني هاي افلوس ماريدن بديه خلو بجفوفي ضواي والصوت شنقو بالجوامع..بالكنائس.. بالطريق عله بيبان المكابر علكوللصوت جثه والحبل ملتف عليها شفت عدنه الخوف يعله شويه زاد شويه زاد .. وقلع بيبان السمه وعين كل الغيم طاحت هسه ماتمطرلي ماي اتذب دمه وبين كل ذني الشفتهن شفت صوره آنا عجيبه عيسى نزلو من صليبه وصعدو طفله خطيه شايله وياهه مدينه وبين جفهه ابعيني شفت اتشيل ناس ابنصهه تمثال الرصافي وشفت نهرين اعله خدها كل نهر من يجري طيبه وخايف ايصلبوها سكته وهاذي بغداد الحبيبه الشالت اجسور المحبه هسه زرعو بيه غابه ابلايه باب وخايف ايمريوم بينه انشوف بغداد السلام اعله التراب هسه خل نلحك عليهه وخل نطش ابكل شوارعها حنان وخ نحط ابجفهه ورده ايمر عطرها اعله الشعب جنه امان وخل نصيغ ارواحنه احزام ابخصرها ومانحط ماشه ابشعرها خل نجيب انجوم تضوي ... انجوم تضوي انجيب ونطش ابشعرها   امير المالكي التعليقات الاسم: وسام جعوب التاريخ: 2009-08-10 08:38:35 عندما تغنت العظيمة فيروز....بالعراق قالت.... ***بغداد والشعراء والصور**** فهل تنبأت بولادتك شاعرا" فذا" وأنسانا" رائعا"... شكرا لك أياها الامير أمير المالكي الاسم: دلال محمود التاريخ: 2009-04-14 15:39:47 مثلما يبكينا هوان بغداد يفرحنا عضمه اهلها وناسهاا لاصلاء امثال امير الامراء شاعرنا الشاب الذي احلم له بمستقبل راقي كرقي مشاعره التي جعلت دموعي تنزل رغما عني حزنا على اهلنا وفي نفس الوقت فرحا وغبطه لاتوصف لان هناك اناس اصلاء يحسون بالعراق وماسيه ووهبهم الله الهام الشعر فحولوا وجعهم ووطنيتهم الى شعر سلمت يداك سيدي الشاعر الاسم: اميرالمالكي التاريخ: 2008-11-03 11:16:43 اشكرك يامبدع علي حمزه على هذه الكلمات الجميله اشاء الله اكون عند حسن ضنكم تحياتي اميرالمالكي الاسم: علي الحمزه التاريخ: 2008-11-02 23:38:15 الرائع امير كاطعي النكهه اكتملت القصيدة من مفرده وصورة فاصبحت تنعت بالحرفه لا تنقطع ايها البرق فنحن نشاهدك في السماء امير المالكي شكرا لك لانك مبدع صديقك علي الاسم: الشاعر سجاد سيد محسن التاريخ: 2008-11-01 08:13:51 الله يا امير دراماتيكية رائعة بالقصيدة وسرد متصل رائع يا امير اتمنى لك المزيد من الابداع والموفقية وتحياتنا للرابطة الاسم * البريد الالكتروني تعليق * 5000