[شويعر من اهل بغداد .. وسط السواك اغني] لن اكويطع السكران .. كله بالخشم طكني
كالو عندنه حريه .. صارت ميه بالميه
ومن مريت بمريدي .. غنيت ابحماسيه
ولن اكويطع السكران .. ذب ابلوزه ظل عريان
اجاني وبيده ساطوره .. وكلي حضرة الفنان
كلي اشعدك اتغني
شويعر من اهل بغداد .. وسط السواك اغني
لن اكويطع السكران .. كله بالخشم طكني
+
اجاني وعاض السانه .. وكلي اشعدك اهنانه
وسط السمج والكراث .. واتغني دنه الدانه
صلخني ابكله صاحت طن ... وكلي ابراحتك ظل ون
كتله اكويطع ارحمني .. ما ظل عدي سالم سن
كشول كل البجيبي .. وصاح ابصوت يعريبي
الضيف ايحب سمج بني
[شويعر من اهل بغداد .. وسط السواك اغني]
لن اكويطع السكران ... كله بالخشم طكني
+
اجاني شارب اسويكه .. وكلي اتغني اشبيكه
كتله اغني من ضيمي .. وابد ما جبت طاريكه
بيساريه غلك عيني .. وغنالي يناسيني
شردت اوعفت قندرتي .. وهوه ايصيح تانيني
لا تشرد يظالمني
[شويعر من اهل بغداد .. وسط السواك اغني]
لن اكويطع السكران .. كله بالخشم طكني
+
صحت ياناس ارحموني .. اريدن مجعة اميه
اجوني اهل الرحم يمي .. وشالوني ابجونيه
وكالوا توب من هل فن .. فجك طاح ما ظل سن
اذا غنيت ياليلي .. بدون افجوج راح اتخن
كلتلهم سألت اهواي .. كالوا تكدر اتخني
[شويعر من اهل بغداد .. وسط السواك اغني]
لن اكويطع السكران .. كله بالخشم طكني
+
صحت يابو الدجاج ايدك .. وكلي كلشي ميفيدك
اله اتغني للساهر .. عبرت الشط على مودك
واول ما صحت ويلاه .. كويطع صاحلي وعلاه
كل هذه الحميس البيك .. واترد للغنه , رباه
واجاني وكالي ثني
شويعر من اهل بغداد .. وسط السواك اغني
لن اكويطع السكران .. كله بالخشم طكني
+
كالوا هذه جاي ايبوك .. شبعوني كتل بالسوك
حته الجاي يتسوك .. اجاني وذب عليه اذروك
كلت ياقوم وين الحك .. كلي انبطح واسكت لك
والله من تفك حلكك .. وروح امريدي اشكك شك
وكل الراهي عاوني
شويعر من اهل بغداد .. وسط السواك اغني
لن اكويطع السكران .. كله بالخشم طكني
+
صحت شلتاغ ابو الزوري .. واجاني وكالي دوري
اريد اليوم احمسنك .. حميسه ابهذه ساطوري
كلت ما اغني التوبه .. ويشهد راضي ابو الروبه
واطيكم عهد ياكوم .. اسافر فورا الكوبه
ووقع بعد ما اغني
[شويعر من اهل بغداد .. وسط السواك اغني]
لن اكويطع السكران .. كله بالخشم طكني
+
ابحوض السمج ذبوني .. وغسل بالحوض غسلوني
واهل الركي والبطيخ .. اجو للحوض شالوني
براسي الركي اتكسر .. وابو البطيخ ما كصر
خلاني اذب بطيخ .. وكلي هذه للتاريخ
باجر ينذكر عني
شويعر من اهل بغداد .. وسط السواك اغني
لن اكويطع السكران .. كله بالخشم طكني
+
صحت احسين ابو المطعم .. وكتله ابشاربك ياعم
طكني ابجدر طرشانه .. وكلي ارتاح وتحمم
ما خله صبر عدي .. وبالمركه صلخ جلدي
وكلي يا اخي الفنان .. حافظ اغنية ردي
اذا انته صدك فني
شويعر من اهل بغداد .. وسط السواك اغني
لن اكويطع السكران .. كله بالخشم طكني
+
+
[شويعر من اهل بغداد .. وسط السواك اغني]
لن اكويطع السكران .. كله بالخشم طكني
عباس طريم
التعليقات