..... 
....
......
مواضيع تستحق وقفة 
.
......
امجد الدهامات
.......
د.عبد الجبار العبيدي
......
كريم مرزة الاسدي
.

 
.
.
 svenska
.
مؤسسة آمنة لرعاية الايتام

.

.

 

..............
 
.
 ................... 


 

....................
جمعية الصداقة العراقية السويدية 
...................


اطلاق
اسم الشاعر الكبير
 (يحيى السماوي)
على مهرجان النور
الثامن
 

يحيى السماوي  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


مشاهد تمثيلية العنف ضد المرأة

حميد شاكر الشطري

مشاهد تمثيلية ص/1

لاللعنف ضد المرآه

المشهد الأول

( حرية الاختيار )

 

منظر/1

نهار خارجي شارع ترابي

- احلام فتاة طموحه مواضبة على الدراسه

- في طريقها الى الدار بعد ان عادت من مدرستها حيث استلامها الدرجات النهائية للامتحانات التي شاركت بها

- تسير في شارع ترابي وتمسك بيدها ورقة نتيجة الامتحانات

- المكان التي هي فيه يوحي لك بانه حي شعبي من خلال ماتشرحه لنا عدسة الكاميرا

- احلام ترسم لحلمها الجميل الذي تريد تحقيقه

- تسير مسرعه نحو دار اهلها لتزف البشرى

 

منظر/ 2 نهار داخلي دار ابو مجمد

 

- طرقات على الباب ولاتزال الكاميرا من الخارج

- صوت ام احلام من الداخل بعد انتقال الكاميرا

الام / منو بالباب ؟

- تتجه الام نحو الباب لتفتحه

- الكاميرا تنتقل لاحلام

احلام /انه ماما انه احلام

- الام تفتح الباب

الام /ها بشري

- احلام ترتمي وتعانق والدتها ودموع الفرح اغرورقت عينيها

احلام /باركيلي ماما  هلهلي  ناجحه الاولى

ومعدلي ميه بالميه  اكيد الاولى عالعراق

- الام تزغرد وترفع نظرها ويديها الى الاعلى

الام / ربي انته ادره بالحاله  احمدك واشكرك ربي

- الام تزغرد ثانية وثالثه

- الاب والابن ينهضان من مكانهما

الاب/ اكيد احلام ناجحه

الابن / بابا خلينه عد عيناك وداعتك اذا الله طول

عمرك اله ولافتين بالحبوبي الدكتور صفاء

محمد والدكتوره احلام محمد

- يلتقي الجميع في وسط الدار الفرح يغمر الجميع

- احلام تركض صوب ابيها وتعانقه

احلام / بابه ناجحه الاولى

الاب/ عفيه بنيتي  او انه بالمناسبه

محضرلج احله هديه

احلام / لابابا لا فرحتك بنجاحي احله هديه

الاب / هسه راح افاجئج بيها

احلام/ جا شوقتني الها بابا

- الاب بعد ان يصمت قليلا

الاب / اسمعي بابه عمج قبل اجم يوم

خطبج مني لابنه صفاء

احلام /وانته اكيد وافقت

الاب / اشلون مااوافق خو ماانطيج

للغريب

- احلام بصوت خافت حزين

احلام /بدون ما تاخذ راي بنتك

- الاب ضاحكا وباستهزاء

الاب / اسمعي احنه الرجال اهناه

كلمته الماشيه  افتهمتي

احلام / بابا هذا انته

- تتجه الى اخيها محمد وامها

احلام / محمد  ماتحجي ماما

ماتحجين هاي اشبيكم ساكتين

الابن /بابا احلام هيه تقرر مصيرها

الاب/ شوف التحفه شيكول  انجب

احلام / بابه هيه هاي الهديه  لابابا

لا انه ماموافقه

الابن /او انه ايضا

- بعصيه وهستيريا مؤشر باصبعه

الاب/ اسمعوا كلكم انه كلمتي الماشيه

وغيرها لا

 

-احلام تردف

احلام /لابابه لا

- الام لابنتها احلام

الام / استرينه يمه او وافقي

احلام / كافي عاد هذا مستقبلي لا

لا لا

- الجميع ينظر اليه بتعجب

- تظهر يافطه كتب عليها (لاللعنف ضد حرية الاختيار)

انتهى المشهد

 

مشهد رقم 2

 

مشهد/2

 

(ضدالتحرش بالمرءه)

منظر رقم/1

نهار داخلي دار ام احمد

- من داخل الدار وقرب الباب امرءه تطمئن اولادها الصغار بانها ستتبضع من السوق وتعود اليهم

المرءه تحمل سلة نايلون قديمه او زمبيل

 

المرءه/ ماما هسه اجي موتفتحون الباب وطلعون

عفيه

- المرءه بعد الانتهاء من حديثها تغلق الباب

- السلة بيد واليد الاخرى تلف جسدها بالعباءه التي مسكتها من تحت الوجه الذي

- وضعت عليه النقاب

 

منظر /قم2

نخار خارجي طريق عام

- الطريق طويل والبيوت متناثرة بمسافات

- المرءه تاخذ بالابتعاد عن دارها الذي يتوارى

 

منظر رقم 3

نهار خارجي بيوت خربه قديمه

- شباب طائش يصطادون في الماء العكر

الاول / اسمع اكلك هاي الاجت حصتي

الثاني / احنه موكلنه النصيده بنص

الاول /يله موافق

- بعد صمت قليل

الاثنان / عليها

- يتوجه الاثنان نحو المرءه

- المرءه تجفل وتخاف منهما بعد ان تاخذ جانب من الحيطة والحذر

المرءة تتوسط الاثنان

- يقترب الاثنان تدريجيا منها

- يبدا الاثنا ن بالتحرش ورمي كلمات نابية لاذعه

الاول /هو هذا طول لو غصن بان

الثاني / دلتفتي اشويه علينه

المرءه / انتم ماعدكم اخت

-الاثنان باستهزاء

الاثنان / لاوالله يابه

المرءه / ماعدكم شرف

الاثنان / بعناه كيلوات

المرءه / الله يطيح حضكم

- الاول / يجر المرءة من يدها ويجذبها اليه

- المرءة تفلت وتصرخ

المرءه /لا

- الثاني /يجر المرءه من يدها ويجذبها اليه

- المرءه/ تفلت من يده وتصرخ

المرءه /لا

- تتعاقب السحب والجذب وصيحات ال لا وتختلط الكلمات

- في كل لا يتردد كلمة العنف الارهاب  الحرشه

- المرءه تصرخ صرخه طويله وتقع ارضا

المرءه / لا

- الاثنان يمزقان النقاب ويزيحوه عن وجه المرءه

المرءه / عود انته هم اسميك ابن عم وتحميني

- -المرءه / تبصق بوجهه

الثاني / ولك هاي نجاة بت عمك

 

تظهر لافته كتب عليها عبارة

(لا للعنف ضد المرءه

نعم للعنف ضد التحرش بالمرءه )

 

انتهى

 

مشهد رقم 3

 

 

 

مشهد رقم /3

العكازاة الثلاثه

لاللكذب ضد المعاقين

منظر رقم/1

نهار داخلي محل خياطه

- فتاة مقعدة تعمل خياطه في احد المحلات وبعد اكمال مابيدها تفكر

- تتجه وتتناول قفل المحل

- تخرج بعربتها وتحكم قفل المحل

 

منظر رقم/2

نهار خارجي طريق سوق عام

- شباب في الجهة الاخرى

الاول / حته هاي المكرمه احسن مني

الثاني / يمعود احمد الله وشكره انته عنك رجلين وتتحرك

الاول / بس ماعندي شغل 00 عطال بطال

 

منظر رقم/3

نهار خارجي طريق عام

- تسير الفتاة بعربتها بمحاذات الرصيف وهي تحرك عجلتي العربه بيديها

- بعد مسافة قصيره تستوقفها يافطة معلقه على الحائط قرب رصيف الماره

- اكثر المعاقين متجمهرين على قراءتها

- الفتاة لاتستطيع صعود الرصيف كي تستفسر

- تبدا الفتاة بالسؤال من احد الماره

الفتاة/ اخي هاي شمكتوب بالافته ؟

الشاب / اختي اكو بشرى سارة للمعوقين

- الفتاة مع نفسها

الفتاة / للمعوقين معقوله النه

- اخذت الفتاة تنظر من بعيد الى اليافطه  تفكر ويسرح بالها وخيالها الى ما مكتوب في اليافطه وتترجمها وفق ما تتمناه

- الفتاة وكانها تقراء مامكتوب

بشرى سارة للمعوقين

وداعا ايها العوق وخاصة للفتياة

من اجل عراق خال من العوق تدعوكم

- شعرت الفتاة بفرح شديد وتناست بانها معاقه

- نهضت من كرسيها باتجاه اليافطه

- وقعت في مجرى مياه اسنه

- تلاقفتها ايدي الماره لتعود ثانيتا الى كرسيها الذي ياست هي من نيله

- صممت ان تحضر الى مقر المنظمه

 

منظر رقم/4

نهار خارجي امام بناية المنظمه

- حضرت الفتاة مع زملائها امام مقر المنظمه

- اشعة الشمس تحرق وتلفع الوجوه

- الكل يصغي الى خطبة رئيس المنظمه المطوله

- يخرج رجلين احدهم يحمل قاروره وضع فيها اسماء المعاقين الموجودين

الرجل الاول / اخوان اعذرونه تره ما بقه بس ثلث

عكازات

 

الرجل الثاني / وهسه راح انسوي قرعه ونوزعهن

- يمتعض الجميع ويهزون ايديهم باستهزاء ثم يولون ظهورهم عائدين من حيث اتوا

- الرجل الاول ياخذ عكازه والاخرى يعطيها لصاحبه والثالثه الى رئيس المنظمه

 

- يتعكز الثلاثه ويدخلوامقر المنظمه

- تظهر لافته كتب عليها

لاللكذب  ضد المعاقين

ومتى نجد عراق خال من المعاقين

انتهى

 

المشهد رقم 4

 

 

مشهد رقم /4

لاللعنف ضد المرءه

(نعم العنف ضد التحرش )

 

منظر رقم/1

نهار حارجي - داخلي مشترك البحث عن عمل

 

- امرءه فقدت زوجها اثناء احد العمليات الارهابيه

- تبحث هذه المرءه عن عمل بعد ان ضاقت بها الارض ذرعا 00عن عمل يعيلها ويوفر لها ولاطفالها لقمة العيش الشريفه

- بعد ان اتعبها البحث في دوائر الدوله تلتقي باحد الموظفين من ضعاف النفوس

- بعد الاخذ والعطاء بالكلام يوعدها الموظف بحلمها المفقود

- المرءه ترفض اول وهله ولكن كلامه المعسول يجبرها على القبول

الموظف/ انه انشاله ااثر عليه واعزمه واخابرج وين

نلتقي

المرءه/ نلتقي شنو

- بارتباك

الموظف / ايه طبعا نلتقي  غير حته اعرفج عليه

المرءه / زين  زين ايصير خير

الموظف /تره انه افلوس ما اخذ تعرفين قصدي

منظر رقم/2

نهار داخلي دار حسيبه

- تفكر ومن ثم تلطم وجهها

المرءه / عز العزاج حسيبه  تالي عمرج

اتصيرين سلعه رخيصه  من عمة عينه

ودرس كلبه  والله اله اخليه يعض

اصابعه ندم شنو عنده بنات العالم لعبه

- تلتفت لاطفالها

المرءه / ايروحولكم فدوه  بسيطه  اروح

لمحمد اخوي وبلزمه من ايده التوجعه

- تلبس العباءه وتخرج من الدار

-

منظر رقم/3

نهار خارجي طريق عام

- تلتقي المرءه باخيها الضابط وتؤشر على داره بعد ان يتنكر محمد بزي امرءه

محمد/ روحي حسيبه لبيتج ويصير خير

المرءه / بس لاتتعارك وياه

محمد / هذا شغلنه  روحي

- طرقات على دار الموظف

يفتح الباب من قبل الموظف

الموظف / هله بالطيبه الوفيه

- محمد يقلد صوت المرءه

محمد / وفيه اشلون مااوفي

الموظف / تعالي يمي

محمد / لا موهسه عله كيفك

الموظف / ماعندي صبر

محمد / موعيب وين صديقك المدير

الموظف / يامدير يابطيح

- محمد يخلع عباءته ويظهر بزي ضابط يشهر مسدسه ويخرج جهاز التسجيل ويضع الحديد بيده

- تظهر لافته كتب عليها

(لاللعنف ضد المءه نعم للعنف ضد التخرس بها )

انتهى

 

مشهد رقم 5

 

مشهد /5

ضد المرءه نعم للعنف ضد النهوه

 

المنظر رقم/1

نهار داخلي بيت ريفي

- من داخل احد البيوت الريفيه نجاة فتاة في ربيع العمر تتحدث مع نفسها

نجاة/ هسة لويتحرك اشويه  مكلت راح نجي  ايه

وينك

- الام تنادي ابنتها نجاة

- الام / نجاة  نجيه يمه  يا هاي شجاها

- نجاة وكانها في حلم

نجاة / ها  ايه  ايه يمه

الام / يع يمه  اشمالج يمه

- نجاة وكانها تتدارك الامر

نجاة / لايمه ماكو شي  كلشي ماكو اسولف وي

روحي

- الام تعود ثانيتا بعد ان تطمان على ابنتها

الام / اكلج انه ماشيه اجيب ماي من الكرمه واجي

- تتناول قدر كبير

- تخرج الام بالقدر من باب الدار

 

المنظر رقم/2

نهار داخلي دار ابو نجاة

- نجاة تلف وتدور وكانها تحسب خطوات

نجاة /انة متوكدة صار عدهم عارض انوب ابوي توخر

عنه اهواي

- طرقات على الباب

نجاة / اكعد يابخت  هيج ويسويه البخت

- تلركض نجاة نحو الباب

نجاة / ياهو هاذ

- من خلف الباب

علوان / فارس بني فياض  علوان

- من خلف الباب نجاة متردده

نجاة /علوان اهلي ماهم  تعال عد ما يجون

علوان / موانه رايدج بشغيله تفيج

نجاة / خل الفايده الك  انه ماريدهاش

علوان /انه ابنك يفياض ولج فكي الباب لاوحاة

ابوي اكسره

نجاة / ما افتحه لو اتخضر نخله ابراسك

علوان / جا خوش

- علوان يتسلق الحائط الطيني من الخارج ويرمي بنفسه داخل الدار

- نجاة تهم وتمسك عمود طويل

نجاة / ولك شنهي اسودنت

- علوان يرمي عباءته ويرفع طرف دشداشته ويضعها في فمه

علوان / موش بيدي 00 خايبة موش بيدي

- علوان يرتعش وكانه ذئب كاسر

- نجاة تهجم علية وتضربه لكنها لم تصبه

علوان / ولج نجيه انه احك من غيري بيج

نجاة / علوان تروح لو الم السلف كله عليك

- علوان يرتعش

علوان / ولج اطيني عباتي

- نجاة ترمي له العباءه

- يتناول عباءته ليخرج وهو يقذف بعض الكلمات

علوان / عيني خير يبت خرخاشه

منظر رقم /3

نهار خارجي طريق ترابي

- علوان يسير في الطريق الترابي يلمح نجاة

- يهرول علوان اتجاه ام نجاة ويحاول اخذ قدر الماء من راسها

علوان / سوده ابوجهي عمه

ام نجاة / لاعمه وصلت وصلت

علوان / جاعمه انه شعندي غيركم

ام نجاة / انعمله عليك

- تتركه متجه نحو الدار

- ام نجاة تطرق باب الدار

منظر رقم /4

نهار داخلي دار ابو نجاة

- نجاة من الداخل تركض صوب الباب

نجاة / ياهو هاذ

ام نجاة / انه افتحي الباب

- نجاة تفتح الباب

نجاة / وابوي قبل اشوبه هم اجه

ام نجاة / شو طايره من الفرح لازم كالج

نجاة/ جا اذا انتي تعرفيها عليش اسالين

ام نجاة/ يمه يلبنات اتهجمن ابيوت

- طرقات على الباب

- ابو نجاة يفتح الباب كونه على موعد مع القادمين

- ابو نجاة يفتح الباب

 

- مجموعه من الرجال والشباب يتقدمهم رجل كبير طاعن بالسن والاخر يوحي لك بانه سيد

السيد / السلام عليكم

ابو نجاة /وعليكم السلام  اتفضلوا ادخلو ا

ابو ستار / سوينه درب ابو نجاة

ابو نجاة / ادخلوا خويه العايله بعيده

- يدخل الجميع ويجلسوا في جانب من الدار

- يتبادل اطراف الحديث من رجل لاخر حتى

ابو ستار / ليش ما نقره اشربو جايكم ونقره

الفاتحه

- الباب يفتح دون استاذان واذا بعلوان وبيده بندقيه

ابو نجاة / ياساتر

علوان / ها عمي خوماكو شي

ابو نجاة / لاعمي ماكو شي  الجماعه جايين

خطابه لبت عمك نجاة

- بحاله عصبيه يحرك اقسام البندقيه

علوان / بس انه ابن عمه واوله بيه

ابو نجاة / عمي علوان انه اخذت راي البت

وبعدين انته معرس وماخذ اثنين

علوان / لا نجيه ماتلوك اله العلوان واليدنه ليه

مايلوم اله نفسه

- تظهر لافته كتب عليها

(لاللعنف ضد المرءه 00 نعم للعنف ضد النهوه )

 

********

 

مشهد رقم 6

 

مشهد رقم /6

لاللعنف ضد المرءه

نعم لانصافها ومساواتها مع الرجل

المنظررقم /1

نهار داخلي دار عائلة ابو تهاني

 

احمد/ وداعتكم اخلي تهاني بعيوني

تهاني / انه اشكرك

ابو تهاني/ تهاني انسانه مهندسة ومثقفه وراح تعرف

معنه الزوجيه وتنطيها حقه

ام تهاني / ايه وليدي احمد هاي امانه بركبتك فدير بالك

عليها

قطع

منظر رقم /2

نهار داخلي دار ام تهاني

 

- ام تهاني/ وجماله جابت منه ولد ايه ماصارلكم سنه ونص صار المناكر

ابو تهاني/ خليهم همه ابيناتهم يصافون ديربالج

تروحين يمهم

ام تهاني / او انه شبيه كخه

ابو تهاني / انتي بانزين و قربتي للنار

قطع

مظر رقم /3

نهار خارجي شارع عام

 

- احمد يترجل من السيارة التاكسي بعد ان يدفع الاجرة للسائق من شباك السياره

- يودع السائق بيده واليد الاخرى يحمل فيها كيس نايلون

- يبدو عليه متعبا ويدفع الباب ثم يدخل

قطع

منظر رقم/4

نهار داخلي دار الزوج

 

- تنتثل الكاميرا الى داخل الدار

- يتوقف احمد ويضع الكيس يمسح جبينه وينادي

احمد / تهاني  تهاني  اكيد بعدها بالدوام

- يحمل الكيس

احمد / امري لله الواحد القهار

- يبدا احمد بخلع ملابسه ويرتدي الدشداشه

- يتجه للمطبخ ويفتح الثلاجه ويهيء مستلزمات الطبخ

- يتناول القدر من داخل الثلاجه ويضعه على الطباخ بعد اشعاله

- يرمي عود الثقاب بعد اطفاءه

احمد /اوف هاي موعيشه تعال حرر المرك والتمن وفوكاها بايت

وكهرباء ماكو اكيد حته الطوارىء ماتلحك عليه

- يتململ احمد يطفي الطباخ ويعود لغرفة النوم ويرمي بنغسه على الفراش ويستسلم للنوم

قطع

منظر رقم /5

نهار خارجي شارع عام

 

- تهاني ووليدها عائده من دائرتها متعبه تدخل الداربعد ان تفتحه من خلال خيط

قطع

منظر رقم/6

نهار داخلي دار الزوج

- بعد ان تدخل تهاني الدار

نهاني / احمد احمد

- تهاني/ تبحث عنه وفي طريقها تدخل غرفة النوم

تهاني / حمودي  حمودي

- تمد يدها كي توقضه

تهاني / احمد شنو نايم

- احمد وبدون احترام ينهض من نومه

احمد / عوفيني خليني بحالي

تهاني / اتغديت

احمد/ اكلج عوفيني وروحي

- تهاني تزيد بالجاحها على احمد

- احمد ينهض غاضبا ويدفعها

احمد/ اسمعي هاذا اول واخر انذار بعد دوام ماكو

البيت وابنج وبس

- تهاني تبكي من الالم

تهاني / هاي شجاك احمد  انته ابو كلب الطيب

هيج اتعاملني

احمد / اكلج بيتج وبس

تهاني / انه مهندسه اعوف وضيفتي اشلون

احمد/ السمعتيه يتنفذ

تهاني / لااحمد ماانفذه وخلي اليصير ايصير

- طرقات على الباب

- تهاني تنهض لتفتح الباب

- احمد يمنعها

احمد / انه اشوفه

- احمد يقتح الباب

- تدخل اخت تهاني

الاخت / اشلونك احمد

- يرد عليه التحيه ببرود

احمد / زين

- الاخت وهي داخله

الاخت / معقوله ابو شهاب كل مره تتلكاني بالهله -

لااكيد صاير شي

احمد / وره اختج كلشي يصير

الاخت / اصاير

- وهو يدخل ويقترب من تهاني

احمد / اسالي المدام وهيه تكلج

الاخت / تهاني هاي شنو

تهاني / ايريدني ابطل من الوظيفه واكعد بالبيت

الاخت / لالا هاي اشلون اتصير

احمد / وانه قررت اتبطل

تهاني/ وانه كلت ماابطل

احمد /اذن ماكو غير الطلاك  وهذا هو السبيل

الوحيد

الاخت / هاذا مو حل ببنكم راح يتعقد

احمد / ما يتعقد  انه كفيل بيه

تهاني / لا انه كفيله بيه وما اعوفه

احمد / تهاني عوفيه

تهاني /ما اعوفه

- احمد يضرب تهاني ضربا بارحا

- تهاني تقع ارضا ويسيل الدم من راسها

تهاني / اسمع احمد 00وظيفتي وابني ما اعوفهم

والمحكمه ابيناتنا

قطع

منظر رقم /7

نهار داخلي دار ابو تهاني

 

ام تهاني مع زوجها وابنتها

ام تهاني / عرفته موادمي  حية رمل تكرص وتضم

راسها

قطع

منظر رقم /8

نهار داخلي في المكمه

 

- القاضي يطلب من تهاني جلب شهود إثبات

تهاني /استاذ عندي بس اختي شاهده على ماحصل

القاضي /مره وحده ماتصير شهادة امرئتين يعادل شهادة رجل واحد

- تظهر لافته كتب عليها

لاللعنف ضد المرءه

نعم لانصافها ومساواتها مع الرجل

 

انتهى

حميد شاكر الشطري


التعليقات




5000