هالة النور
للإبداع
.
أ. د. عبد الإله الصائغ
.
.
.
.
.
.
.
.
.
ـــــــــــــــ.

.
.
.
.
.

..
....

.

  

ملف مهرجان
النور السابع

 .....................

.

.

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

 

ملف
مهرجان النور
الثاني للابداع
 

            


تراتيل الغريب / الجزء الثاني

كاظم الوائلي

اوّج عمري شمس وتشوف دربك 

وشد بجناحك اهمومي الثجـــــــيله  

يطيراسمعنی امشّي اعليك ربّـــك 

توّصلّي الرسالة ابكل وســــــــيله 

=====

 

سيف الغربة ماينگحُم چتــــّــــــال

شلون اتواجه اوياه وآني گنـــــــّاي

غميجة اجروحة والهَم دوُهَن البال

ثجيلة اولا معين الــــــــــشال ويـّاي

فوگ جروحي وكتي اچمالة هم عال

واخذ مني العزيز او فرهَد الــــراي

عليَّ امرادف اللوعات تــِـــــّـــنهال

ولا واحد رحمني وطيَّب الــــــــداي

يطاير ما يرف اعليَّه گــــــــــــلـــبك

مصيوب آنه من الغربة چـيلـــــــّـــه

اوّج عمري شمس وتشوف دربـــك

وشد بجناحك اهمومي الثجــــــــيله

====

 

بساتين الكلايف دورّتـــــــــــــــــهة

ولگيت اهمومي منثورة على الگاع

لچن هالغربة ابد ماحسبتّــــــــــــهة

ولاحسبِّت أهِلَّن دمعـــــــــــة أوداع

يطير الدنيا خير اتصورتّــــــــــــهة

أثاري اتشّيخ الواوي اعلى الـ..سباع

لعِد غيري الگصايب شــــــــمّرتهة

واللسان الشــــــــــماتة مَدِته أذراع

دِفِت حنّة الآه و چوّرتـــــــــــــــهة

ونواعير المحنّة افترّن أبـــــــــساع

يطاير خلّي من عمري اعلى عمرك

شسوي ابعمُر آهاته طويلـــــــــــــه

اوّج عمري شمس وتشوف دربك

وشِد بجناحك اهمومي الثجـــــــيله

====

 

ثِبت فكري ابذكر والدتي ونــِـــــــشَد

عگب ما چان مني الفكر مســــــلوب

عسى ما مر عليَّ اليوم الاســـــــــَّود

مو بيدي يطير الصار مكــــــــــتوب

ايام الهجر مو سهلة تــــِــــــــــــــنعَد

كل يوم الِيُمر أبميّة محـــــــــــــسوب

شبابي او حيلي من الغربة أنـــِــــــهد

وسماري انگلب لونَة وصارمشحوب

باب الفرح ليش بوجهي تِنســـــــــــَد

حسافة انكرِه وآنه الچنِت محـــــبوب

يطاير هم يمر مثلي اعلى فكـــــــرك

ونصيبي شِفِت بالدنيا مــــــــــــــثيله

اوّج عمري شمس وتشــــوف دربك

وشِد بجناحك اهمومي الثــــــــــجيله

====

 

بالغربة وقهرهه اصبحِت موعــــــود

وعلى رحم الولادة انكـــــــــتب ونّـي

نگص عمر الشباب و غربــتي اتزود

تبيَّن باگت امن أيام سـِــــــــــــــــنـّي

شبابي الراح ما ظِن يحِن ويعــــــود

ركب ريل الزمان أو بَعَد عنّــــــــي

رِحِت للفرحة شايل حِزمـــــة أورود

لگيت الفرحة حيل اتخاف منـــــــّّي

وتراتيل المناحــــــــــــة ردَّن أردود

يعزّن مو فرح سمعَن وِجـــــــــــنّي

يطاير طِلبة هاي اطلبهة منَّــــــــــك

أريد اتراب گبري انته التهـــــــــيله

====

اوّج عمري شمس وتشوف دربــك

وِشد بجناحك اهمومي الثجـــــــــيله

 

كاظم الوائلي


التعليقات




5000