ثقافات              لسان حال عاشق عبد الكريم الحسون 2013-12-30 قراءات: 1273 جرح هجرك كبر والنزف منه انهار جا يمته تجي واطيبه لي بنظره افراكك ما اجرعه كلف كلش صار ابحر من الالم غركني والحسره دوهني البعد غركني بالصفنات بقيت انه احسب بيه وبامره ما ادري شنو هو الجرى والصار وعجيبه اشلون هانت عندك العشره ما ادري صدك هيج الامور اتصير وتشلع شجر حبنه تشيله من جذره وتترك ماي نهري العذب والريان وتشرب من نهر راكد وبيه كدره ما صدك ابد عندك عقل مجنون ومثلك ما اظن من الجهل يبره مو شلتك ولك فوك الرمش بالعين اخاف عليك من برد الهوه وحره تاليه ولك تتركني للاهات اصبر بالكلب والصبر يا مره شنو كلبك  ولك من حجر لو جلمود تعوف اكليبي من نار الهجر جمره جا وين الوفه والعهد ملح وذاب ووعودك يا حسافه اندفنن بنكره منهو الغيرك خلاك مني اتخاف وكمت تكرهني كره الفاره للهره يا وسفه ولك تسمع حجي العذال شما كالوا ولك ابقى انه دره بس انه احبك وابقى اخاف عليك ويظل حبك الغالي ال ما نزل سعره واتمنى تراجع كل امورك زين ولقصة هوانه اتعيدهه وتقره نسيت انه شكلتلك يا عزيز الروح ابقالك وفي ما طول عل الغبره بس هو الوكت ما ينحزر غدار يلعب بينه شاطي يمنه ويسره واخيرا راح اكلك والكلب مجروح يجي يوم لهوانه تحن له وتذكره 27/12/2013 عبد الكريم الحسون التعليقات الاسم * البريد الالكتروني تعليق * 5000