ثقافات              يمته عبد الكريم الحسون 2013-12-22 قراءات: 1188 يمته روحي مثل الهيمه بس وحشه تخضر.. لو شمسكم عني غابت والعمر مثل الشمع سنطه يذوب.. اتحركه نار افراكم.. وليلي ليل أم التتاني اوليدهه ابد ما تغفه وتنام... لمن يكحل نظرهه بشوفته وانته يهلال الفرح.. يمته تلوح بسمه عمري ولك مشتاك انه اعًيد مو ذبحني الصوم عنك وانت تدري الصوم م يطول شهر يمته افطر على صوتك بلبل ويصدح على اغصون الشجر.. ويمته احسن برد مايك ويمته اشوفنك تمر بيه نهر... ويمته اشوفنك ترف يمي حمامه.. تبني عشه اكبال عيني وبطلت طاري السفر... ويمته اشمنك عطر ورده تفوح... تركص اكبالي ولا تذبل ابد طول الدهر ويمته غيمك يمر فوكي يمته اضوكنك مطر... ويمته وصلك انه اشوفنه حقيقه.. وبيدك اتسد انت بيبان الهجر... ويمته انه وانت نزرع كل عمرنه اللي بقه.. ضحكه وسمر ويمته نحصد من زرع حبنه وعشكنه احلى سنبل... حبه يصبح النه بيدر 17/12/2013 عبد الكريم الحسون التعليقات الاسم * البريد الالكتروني تعليق * 5000