ثقافات              بعدني آني كـَمر ثاني ضياء السيد كامل 2011-12-10 قراءات: 8191  شعر شعبي عراقي   بعدني آني كـَمر ثاني  ضياء السيد كامل    تحزمت بجرح روحي ولبست همومي ومشيت مثل تابوت يمشي بصاحبة وجيت وعيوني سما مغيمة وتدوّر بيت تبجيلة تدوّر عن وجه ضيعها كَبل سنين  تشكيله كظمت مايها وتدري الوكت حاصود  وحقول المحنة أبرعمة بهيلة واشتاكيت .. واتمنيت .. ادفن وجه روحي بعتبة البيت واصيح بصوت يمعوّد انا الضايع وسط شارع ولك ظليت ولكيت بكَلبي كبة مذهبة واذان وحمامات وصحن ونذور نسوان وتوضيت ولكيت القبلة وجه امي و تدنيت وصليت بحضنها وما صبرت ابجيت شبكتني بمحنة ولولت أو ونيت ونثرت عيوني نجمها املبّس وجكليت ونذور وحمام يطير من عدها على اجتاف المنارة يدور  ..... بسكوت ياهو الكَال بيه يموت حتى الصوت لا ماموت كل بيت بكتر روحي تناسل قرية وبيوت لا ما موت بعدني اني كمر ثاني وسجين الحوت وبحرها يظل تابوت واني سماي عنواني والنجمات بيباني منين ماتشتهي الروح انفوت ... وانسيّر ليلة هنا .. وليلة هناك ... انت وياي اني وياك واكلك يابعد هاي الروح اطلب كول وتخّير يافضة وتلالي بنص ظلام الليل تتبختر احبك رغم كل العوز وامشي وياك والله ابتوز ولو ضكني البرد بالجلّة صدكَني احس حضنك شمس تموز       ضياء السيد كامل التعليقات الاسم: بتول الموسوي التاريخ: 2015-07-30 12:30:50 الله....ما اجملك وانا اراك في خاطري اثناء القراءه كطائر يرفرف ...اقسم احسك وكانك الان تكتب القصيدة امامي وانت غير مستقر حركيا وكان الالم او الشعور او الجمال جعل منك طائرا مجروح جميله جدا. الاسم: هناء شني التاريخ: 2012-11-22 10:58:42 جميل جدا تحياتي الاسم * البريد الالكتروني تعليق * 5000