ليش عن هاي الرواتب هالجماعه امفلــّسين

ثقافات

معين الخياط النجفي

2011-02-21

قراءات: 9133

عجبه من سبع العجايب صارت ابهذا البلد
اشچـم وزاره الأسسوهـااحسب ايضيـع العدد
اتلاگـفوهـااووزّعوهــا اتملكوهـا للأبــد
همـّه تيجـان اوقصـور واحنـه صرنـه امفلــّسين
ليش عن هاي الرواتب هالجماعه امغلسـين

************************

مثل نار البلهشــيم انتشر بالسرعه الخبر
قسم غصّــّت بالنعيم وكثره كـاتلها القهـر
لو نقارن بالتقاعـد بينــّه راس الشـــهر
الوزيـر اتلث دفاتــر وبس ورقتين لمعيـن
ليش عن هاي الرواتب هالجماعه امغلسـين

************************

صحنـه يمعودين كافي خلـّوا حصــه للفقير
ذكروا اللـه يا جماعه وخـلْ يصح عدكم ضمير
احسابكم كلش چـبير اوويلي من نار السـعير
وهيـّه نگـطه واذا طاحت ما أظن ينـده الجبين
ليش عن هاي الرواتب هالجماعه امفلـّسين

************************

عمـّي يلنصـكم عمـايم هالفعل واللـه حرام
تلغفـون ابهالرواتب وتظنون احنه نيـام
ربـع من هـاي الخزينه صار الـكم بالتمام
وغيركم صابر ابحسـره ين تظر كيلو الطحين
ليش عن هاي الرواتب هالجماعه امغلسـين

************************

سـَلـّسوا اوذبـّوا الگـشور الخاليه لهذا الشعب
شـو عله غفله الخزينـه اشما ورد ليهــا انـّهب
ردنه بس السله عمي النه وانتو اخذوا العنب
مو عداله كلهــا الــكم واحنه نبقـه امتلـّزين
ليش عن هاي الرواتب هالجماعه امغلســين

************************

امن انتخبناكم درينه نعض ببهـام الندامه
هاي مو ميزة رجــال ولا علامات الشــهامه
تاكلـون ابكل اديكـم اوخلها جوعانه اليتامه
انتو علـّيتوا اوركسـنه ابخوش برچـه وخوش طين
ليش عن هاي الرواتب هالجماعه امغلسين

معين الخياط النجفي

التعليقات

الاسم: سيد صباح بهبهاني

التاريخ: 2015-09-03 14:56:44

عاشت قلمك يا اصيل وخالص تحياتي لكم . أخوك صباح

الاسم: خالد شنشول البهادلي

التاريخ: 2012-03-28 20:51:12

رائع ايها المعين وانت تفجر احزاننا حين تثير ان من انتخبناهم اخذو يعدون العدة الانفسهم ناسين وتناسين ان الذين انتخبوهم هم عرضة للفقر والحرمان ومكائد الرهاب وحقد الاعراب تحياتي لك ودمت سالما

الاسم: سميربشيرالنعيمي

التاريخ: 2011-04-17 12:19:19

الشاعر الشعبي معن الخياط النجفي

تحية واحترام

اخي الرائع عبرت عما يجيش بقلوب المتقاعدين ففعلا المتقاعد ياخذ ورقتين والجماعه دفاتر

تقبل تحيتي ومروري