هالة النور
للإبداع
.
أ. د. عبد الإله الصائغ
.
.
.
.
.
.
.
.
.
ـــــــــــــــ.

.
.
.
.
.

..
....

.

  

ملف مهرجان
النور السابع

 .....................

.

.

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

 

ملف
مهرجان النور
الثاني للابداع
 

            


كاس الهموم مساجلة رقم (4)

كاظم الوائلي

مساجلة بين الشاعر كاظم آل مبارك الوائلي والشاعر كاظم آل جابر السماوي  1999

 

شلنة آهات جمّة وغربة اطيور              والدنية سگتنة ابكاس الـ هموم

بـ خفية وننتظر وبعين ناطور                بلچن هالطوارش شايلة اعلوم

=========

شلنة آهات توزن ثگل الـ جبال              وبـ سچب الدمع عادتنة صارت

عمداً ما تريد الحِمِل ينشال                    وبصدر الرحب للغير لاحَت

مامش بالليالي الصدگ ينگال                  ولا نتبعهه لو بالكلفة فِزعَت

چذابة ودمع تمساح من سال                  ومن ثديّ الگباحة بلهفة رِضعَت

ذلّتنة الليالي وشلَّت الحال                      وبدرب النسلكة اشواچ زرعَت

ما ندري اشتريد ابـ لفهه وتدور              ولاندري التدبرة بخبث مرسوم

شلنة آهات جمّة وغربة اطيور              والدنية سگتنة ابكاس الـ هموم

الوائلي

 

ما ندري أشتريد ابلفهه الايام               ومثل لف المغازِل من تِلِفنه

حيل اتعيل بينه الـ حد الاعظام             وتِگمّطة اليگع منها وتچفنه

وتِجاسرنه وبَعد مانعرف الثام              واذا مانگدر أسليمة التِلِفنه

وبعيون الهوارف نغفة ونِّام                 ولا فد يوم من الدنية خِفنّه

نتلاوة اوية ملچ الموت لو گام             ويخاف الموت خايف لا ندفنه

چا خلهه اشتريد اتدور وتجور             أهي ثِلث المراجل بس حچي وسُوم

شلنة آهات جمّة وغربة اطيور              والدنية سگتنة ابكاس الـ هموم

السماوي

 

چا خلهه أشتريد اتسوي يا صاح         خلهه وكل قصدّهه الهه نركع

غرگنة وما نفنعنه بعد الـ صياح           واليغرگ مـ ظِنّه عدل يطلع

رد لينه الظلام ابلايه مصباح             وبمنوة الشمس مو رغبة تسطع

متحزمة وتسِل اسيوف ورماح           وبـ نوجة غدرهه أتريد نوُگع

ما بينه انتِهاوش والعزم راح             ولا وكت الهوارف بعد يرجع

چا وين الزماط وحيل الـ نسُور           وين الچان منه اتخِنچر البوم

شلنة آهات جمّة وغربة اطيور              والدنية سگتنة ابكاس الـ هموم

الوائلي

 

ذاك الحيل بينه وذاك الازماط             وذيچ المرجله وذيچ الحميّه

غَضبنه من غَِضب عباس لو شاط       و تِضهضَب لـ بن إبوه بالغاضرية

ومثل عبدلله لَمّن فَل الاگماط              ودمّه اسيوف صار للأل أُميّه

حصار احسين يوم وأحنه ألف قاط       وعلى كل خبزة مرسومه المِنّيه

سد حلگه المطر وي لمظة اشباط         وصار الماي بس بالزمزميّه

ولا فَد يوم منّه الگال مكسور               ولا بالعوز منّه الگال محروم

شلنة آهات جمّة وغربة اطيور              والدنية سگتنة ابكاس الـ هموم

السماوي

 

ولا فد يوم خورة حَظ حوتّنه               ولا المَر العليَنه مَر على أحد

مثل خردل الدنيه طشِّرتنه                   وكلما فرجت النه بغضب تشتد

وكل هذا ولايوم الوصلنه                   للطف والجَرَه بدوحة محمد

نِوِنّ مثل الطفل لو ضَر يمسنه             ونجلي الصبر جلّوه ابيوم الاسوَّد

وحيد احسين للمذبح تعنّه                   ويدري بذبتحته و قََـَط ما تردد

منهو البينه راح الذَبحه مسرور           واتلگه الكلافه بحيل جيدوم

شلنة آهات جمّة وغربة اطيور              والدنية سگتنة ابكاس الـ هموم

الوائلي

 

مثل احسين مامش ابد مقياس            بس بينه التعنه الحتفه فرحان

ذاك (الصدر) هَد وشافته الناس         وبيده فصّل الانصارة الاچفان

وتعنّه الـ علي ما رده  وهواس          ولا الحجاج ردّه وبقى حيران

وصدرة الصار جِربة ماي عباس      تزرّف بالرصاص وطاح عطشان

وجن گبّة علي طَشَت عليه ياس        چنه احسين رد ومثل ما چان

وچن الدنيه وگفَت مامش احساس       ولا واحد بعد ينبض له شريان

كل يوم اليمر احسينه ايثور            ويتلگه السهم بالچبده مسموم

شلنة آهات جمّة وغربة اطيور         والدنية سگتنة ابكاس الـ هموم

السماوي

 

كل يوم اليمر چن عملة الطف       وبكل وكت أهي نفس المصيبه

من يوم السقيفة اتوحّد الصف         ضد حيدر وابو القاسم حبيبه

لچن حقد آل أمية ما توّصف          والتاريخ ما يگدر يجيبه

من بيرغ احسين بعدله رفرف        ما طالَب بجاه ولا ضريبه

ولا راد الامارة وهوَ الاشرف        من جاه ابـ كبُر حَبةِ الزبيبه

ومو غلمان راد ومُلِك وقصور        وهوُ يدري المُلِك بالدنيه ميـ دوم

شلنة آهات جمّة وغربة اطيور         والدنية سگتنة ابكاس الـ هموم

الوائلي

 

ما چان الحسين ايريد تيجان           لچن شاف الحسين الدين مجروح

ولـ دم  الحسين الدين عطشان      وركض كل حيله ليه او طاح مذبوح

مهرة الغيرة عنده ومالهه اعنان        تروح اويّه الحسين شلون ميروح

وفرق بين الحسين وبين الانسان       مثل بُعد السما ومن يگدر ايلوح

ولَعِد كل ثورة چانت كربلا اعلان     وعلى درب الشهادة أتدلّي الايروح

ودمه المابرد ولـ يومنه أيفور          ورِسَم بالدم عَلَم للمهدي مرسوم

شلنة آهات جمّة وغربة اطيور        والدنية سگتنة ابكاس الـ هموم

السماوي

 

 

ودمنه الما برد وتچوة الگاع             ولوَّن مرت أقرون أعليه يظل حار

حچه الدم وتنبأ بعد الاضياع             يظهر منّي مهدي وياخِذ الثار

يظهر وبيمينه السيف لمَّاع               والـ چفــّه السخي تندار الاقدار

يظهر من يشوف الغيرة تنباع            بـ صاع اشعير مخلوط أوّيه شنبّار

يظهر من تلوذ بخنسه الاسباع           وبحفور الارانب تِسكن أطوار

وهوايه السباع السكنت احفور           وعلى روس الصگور اللگلگ ايحوم

شلنة آهات جمّة وغربة اطيور          والدنية سگتنة ابكاس الـ هموم

الوائلي

 

كاظم الوائلي


التعليقات

الاسم: Zeid Ghalib
التاريخ: 2007-09-12 06:22:27
اذا لم يكن هذا الابداع بعينه فماذا نسميه؟ والله والله هذه اجمل وارقى ماقرأته في حياتي, مبروك على الوائلي لقب شاعر الفراتين, هذه اناقة الشعر . شكرا لأحبتنا في موقع النور على نشر ابداعات الشاعر الانيق كاظم الوائلي.

زيد غالب




5000